Ўзбекистон 15 мамлакат учун визаларни бутунлай бекор қилади

Тошкент. 7 декабр. ЎзТАГ – 2017 йил 1 апрелдан Ўзбекистон 15 мамлакат учун визаларни бутунлай бекор қилади. Бунга доир тегишли фармон мамлакат президенти Шавкат Мирзиёев томонидан имзоланди, деб хабар беради Ўзбек телеграф агентлиги (ЎзТАГ). 

Хужжатга мувофиқ, бу давлатлар қаторида Австралия, Австрия, Буюк Британия, Германия, Дания, Испания, Италия, Канада, Люксембург, Голландия, Корея Республикаси, Сингапур, Финляндия, Швейцария ва Япония бор.

“Бундан ташқари, Бельгия Қироллиги, Индонезия, ХХР (туристлар гуруҳлари таркибида), Малайзия, АҚШ, Франция, Вьетнам, Исроил, Польша, Венгрия, Португалия ва Чехиянинг фуқаролари учун виза режими бекор қилинади”, - дейилади хужжат матнида.

Виза режими ушбу мамлакатларнинг 55 ёшга тўлган ва туризм мақсадида 30 кундан ортиқ бўлмаган муддатга Ўзбекистон Республикасига келувчи сайёҳлари учун бекор қилинади.

Шунингдек, мамлакатда виза олишни жиддий енгиллаштириш, жумладан, 2018 йилдан бошлаб электрон визалар тизимини жорий этиш режалаштирилмоқда.