Ўзбекистон 2014 йилда 102 тонна олтин қазиб олиб, дунёда 7-ўринни олди
Дата: 16:07, 12-02-2015.
Тошкент. 12 феврал. ЎзТАГ – АҚШ Геология хизматининг бошланғич маълумотларига кўра, Ўзбекистон 2014 йилда 102 тонна олтин қазиб олиб, дунёда 7-ўринни олди. Бу 2013 йилдагидан 4 тоннага кўп демакдир, дея хабар беради Ўзбек телеграф агентлиги (ЎзТАГ) Mining Journal маълумотларига асосланган ҳолда.
Ушбу кўрсаткич бўйича жаҳондаги етакчи бешликка эса Хитой, Австралия, Россия, АҚШ ва Перу кирди.
Ўзбекистонда олтин Навоий ва Олмалиқ тоғ-металлургия комбинатлари томонидан ишлаб чиқарилади.
Эслатиб ўтамизки, 2013 йилда Ўзбекистон 98 тонна кўрсаткич билан рўйхатнинг 8-ўрнини Мексика билан бўлишиб олган эди.
