Ўзбекистон 2018 йилнинг III чорагида Россиядан $929,1 млн пул ўтказмалари олди
Тошкент. 17 декабр. ЎзТАГ –2018 йилнинг III чорагида Россиядан Ўзбекистонга тўлов тизимлари орқали пул ўтказмалари ҳажми $929,1 млнни ташкил қилди, деб хабар беради Ўзбек телеграф агентлиги (ЎзТАГ).
Бу ҳақида Россия Марказий банки маълумотлари гувоҳлик бермоқда.
Назоратчи маълумотларига кўра, ҳисобот даврида Россиядан Ўзбекистонга юборилган ўтказманинг ўртача суммаси $490ни ташкил қилган.
Шунингдек, III чоракда Ўзбекистондан Россияга $35 млн юборилган. Ўзбекистондан Россияга ўтказманинг ўртача суммаси $1149ни ташкил этган.
Эслатиб ўтамиз, 2018 йил I чоракда жисмоний шахсларнинг Россиядан Ўзбекистонга ўтказмалари миқдори $726 млнни, II чоракда эса $748,8 млнга тенг бўлган эди.
Сурат манбаи: https://www.uzdaily.uz