Ўзбекистон 225 та фильмларни намойиш қилишни таъқиқлади
Тошкент. 14 июл. ЎзТАГ – Ўзбекистон республика ҳудудида 225 та фильмларни намойиш қилишни таъқиқлади, деб хабар беради Ўзбек телеграф агентлиги (ЎзТАГ).
Бунинг учун Ўзбекистон Ахборот ва оммавий коммуникация соҳасида эксперт комиссияси Ўзбекистонга олиб кириш, нусха кўчириш ва тарқатиш тавсия этилмайдиган хорижий фильмлар рўйхатини тасдиқлади, дея хабар қилинади Интеллектуал мулк агентлиги сайтида.
“Ёшлар онгига салбий таъсир қилиб, зўравонлик, шафқатсизлик ва маънавиятсизлик саҳналари мавжуд бўлган” картиналар рўйхатига “Секс, зиёфатлар ва ёлғон”, “Ғурур ва қалбаки инонч ва зомби”, “Кичик ўлим”, “2+2”, Бикинили қизлар музда” ва “Жуда қўрқинчли кино” франшизалари кирди.
Рўйхатдан ўзбек экспертлари фикрига кўра, “зўравонлик, шафқатсизлик, ваҳшийлик, беҳаёлик, наркотик ва психотроп моддалар, алкогол ва тамаки маҳсулотлари истеъмолини, шунингдек аҳлоқий бузуқлик, енгилтабиатлик, шаҳвоний нафсга эрк бериш, бесоқолбозлик, свингерликни тарғиб қилувчи саҳналар бўлган” 225 та хорижий кинофильм ўрин олган.
Юқоридаги киноларни тарқатганлик учун қандайдир жазо қўлланиши ҳақида маълумот берилмаган, аммо, муассаса дистрибьютерлар билан тегишли келишув имзолаган.
