Ўзбекистон 5 кичик ГЭС лойиҳалаштиришга киришди

Тошкент. 5 сентябр. ЎзТАГ – “Ўзбекэнерго” АЖ бешта янги кичик ГЭС лойиҳалаштиришга киришди, деб хабар беради Ўзбек телеграф агентлиги (ЎзТАГ).

 “Улар Тошкент, Андижон ва Қашқадарё вилоятларида жойлашади. Қиймати эса $5дан $10 млнгача атрофида бўлади”, – деб таъкидлади “Ўзбекэнерго”даги манба.

Шунингдек, мавжуд гидроэлектростанцияларни модернизация қилишга ҳам жиддий эътибор берилади. Хусусан, 2020 йилгача 11 амалдаги ГЭСни модернизация қилиш кўзда тутилмоқда. Бу ишлар уларнинг гидротехник иншоотларидан фойдадаланиш хавфсизлигини ошириш ҳамда қувватини кўпайтириш мақсадларида қилинади.

Маълумот ўрнида, ГЭС мамлакатда ишлаб чиқарилаётган барча электроэнергиянинг 11% етказиб беради. “Ўзбекэнерго” тизимида қуввати 1,4 млн. кВт/слик 29 гидравлик электростанция мавжуд.