Ўзбекистон аҳолиси соғлиқни сақлаш ва таълимни энг коррумпиялашган соҳалар деб ҳисоблайди

Тошкент. 19 июн. ЎзТАГ – Ўзбекистон аҳолиси соғлиқни сақлаш (37,6%) ва таълимни (31,4%) энг коррумпиялашган соҳалар деб ҳисоблайди. Бундай натижалар “Ижтимоий фикр” жамоатчилик фикрини ўрганиш маркази ўтказган сўровда олинди, деб хабар беради Ўзбек телеграф агентлиги (ЎзТАГ) маҳаллий ОАВ асосланган ҳолда.

Айни пайтда сўровда иштирок этганларнинг ярмидан кўпи (56,8%) коррупция бор, деб ҳисоблайди.

Энг коррупциялашган соҳалар орасида ҳуқуқ-тартибот органлари, бандлик, ижтимоий таъминот, коммунал хизмат, банк, солиқ ва божхона идоралари, ҳокимликлар ходимлари кўрсатилган.

Шунингдек, сўров иштирокчиларининг 8,4% қариндошлари ёки танишлари пора таклиф этганини, 6,8% уларнинг яқинларига пора таклиф қилинганини, 3,4% эса уларнинг қариндоши ёки дўсти пора олганини билдиришган.

Сўров порахўрликдан қишлоқ аҳолисига қараганда шаҳарликлар сони кўпроқ шикоят қилишини аниқлади. Айниқса, тадбиркорлар ва фермерлар тамагирликка энг кўп дуч келишган.

Сўралганлар коррупциянинг сабаблари сифатида фуқаролик жамиятининг пассивлиги, ҳуқуқий маданият пастлиги, давлат ходимлари иш ҳақларининг пастлиги ва уларнинг вазифалари жуда кўплигини сабаб қилиб кўрсатганлар.