Ўзбекистон аҳолисининг 97,6% ШҲТнинг Тошкентдаги саммитидан қониқиш ҳосил қилганлар

Тошкент. 30 июн. ЎзТАГ – Ўзбекистон аҳолисининг 97,6% Шанхай ҳамкорлик ташкилотининг (ШҲТ) Тошкентдаги саммитидан қониқиш ҳосил қилганлар, деб хабар беради Ўзбек телеграф агентлиги (ЎзТАГ).

ЎзА хабарига кўра, ушбу маълумотлар "Ижтимоий фикр" жамоатчилик фикрини ўрганиш маркази томонидан ўтказилган экспресс-сўровда келтирилган.

Шу билан бирга, 100% респондентлар ўз мамлакати ва президенти билан фахрланишини маълум қилди, сўров иштирокчиларининг 91,8% саммитни кузатиб борган.

Айни пайтда, 92,4% саммитда эришилган келишувларни тўлиқ қўллаб-қувватлаган, 97,3% иштирокчининг фикрига кўра, ШҲТ Давлат раҳбарлари учрашувида эришилган улкан муваффақият ва ижобий натижалар кўп жиҳатдан Ўзбекистоннинг ташкилотга раислиги билан изоҳланади

Эслатиб ўтамизки, 23-24 июнда Тошкентда ШҲТга аъзо давлатлар раҳбарларининг 15-юбилей мажлиси бўлиб ўтди. Унда қатор хужжатлар қабул қилинди.