Ўзбекистон аэропортларни модернизация қилиш учун рус ва немис компанияларини жалб қилди
Тошкент. 27 декабрь. ЎзТАГ – Ўзбекистон аэропортларни модернизация қилиш учун рус ва немис компанияларини жалб қилди, дея хабар беради Ўзбек телеграф агентлиги (ЎзТАГ).
Транспорт вазирлиги маълумотларига кўра, мамлакат аэропортларини ривожлантириш стратегиясини ишлаб чиқиш учун Россиянинг "Фуқаролик авиацияси инновацион маркази" компанияси ва немис Airport Research Center жалб қилинган.
Таъкидланганидек, хорижий экспертлар билан ҳамкорлик чоғида Ўзбекистон аэропортлари тармоғини ривожлантиришнинг қисқа ва узоқ муддатли стратегиясини ишлаб чиқиш режалаштирилган.
Бундан ташқари, хорижий экспертлар технологик жараённи оптималлаштириш ва хизмат кўрсатиш сифатини яхшилаш, шунингдек, аэропортнинг ўтказувчанлигини оширишга қаратилган тегишли ечимларни амалиётга жорий этиш бўйича тавсиялар беради.
Шуниндек, хорижий компаниялар йўловчи терминалини модернизациялаш бўйича техник-иқтисодий асослаш (ТИА) ва Тошкент аэропортининг мастер-режасини тайёрлашда иштирок этади.
Сурат манбаи: mintrans.uz
