Ўзбекистон Афғонистонда Боғлон провинциясигача ЭУЛ қуриш ниятида
Дата: 09:56, 01-12-2017.
Тошкент. 1 декабр. ЎзТАГ – DABS энергетик компанияси Ўзбекистоннинг Сурхандарё вилояти ва Афғонистоннинг шимолий-шарқидаги Боғлон провинциясидаги Пули-Хумригача янги электр узатиш линиясини (ЭУЛ) қуриш ниятида, деб хабар беради Ўзбек телеграф агентлиги (ЎзТАГ).
Tоlonews маълумотига кўра, лойиҳа икки мамлакат ҳукуматлари тарафидан Афғонистонда Иқтисодий ҳамкорлик бўйича минтақавий конференцияда (RECCA) маъқулланган эди. Ушбу тадбир 14-15 ноябр кунлари Ашхабодда бўлиб ўтди.
Янги ЭУЛ қуриш ҳақидаги келишув декабр ойининг бошида Афғонистон президенти Ашраф Ғанининг Ўзбекистонга 4 декабрга режалаштирилган ташрифи доирасида имзоланиши кутилмоқда.
