Ўзбекистон “Қамчиқ” довонидан ўтувчи йўлни қурган испан компаниясини судга берди
Тошкент. 16 июн. ЎзТАГ – Ўзбекистон Фарғона водийсини мамлакатнинг қолган қисми билан боғловчи “Қамчиқ” довонидан ўтувчи йўлни қуриш бўйича пудрат ишларини бажарган Corviam Construccion испан компаниясини судга берди. Бу ҳақида REGNUM ААга Ўзбекистон ҳукуматидаги манба маълум қилган.
“Ўзбекистон ушбу компанияни ишларни сифатсиз бажаргани ва муддатлардан анча кеч қолгани учун судга беришга мажбур бўлди. Иш европа судларидан бирида кўриб чиқилади”, - деди агентлик суҳбатдоши.
У испан компанияси билан шартнома 2002 йил июлда тузилгани, унга кўра ишлар 2014 сўнгигача бажарилиши керак бўлганини айтиб ўтди. Кейинчалик, муддатлар, Corviam Construccion айби билан 2016 охирига сурилган.
“Компания номига жами ишда йўл қўйилган камчиликларга доир 175 билдирги йўлланган. Улар орасида технологик регламентларнинг бузилиши, эскирган техникадан фойдаланганлик, нотекис ётқизилган қопамалар бор”, - деб таъкидлади агентлик манбаси.
Автойўлнинг 58-километрлик участкасидаги иккиполосали асфальт қопламани тўртполосали цементобетон қопламага алмаштиришни кўзда тутган реконструкциия қилиш лойиҳаси $139 млнга баҳоланган. Лойиҳани молиялаштириш Осиё тараққиёт банкининг $167,2 млн кредити ва ўзбек томони маблағларига амалга оширилган.
