Ўзбекистон ампутант-футболчилари ЖЧнинг 1/8 финалида Франция билан ўйнайдилар
Дата: 08:45, 05-12-2014.
Тошкент. 5 декабр. ЎзТАГ – Бугун Ўзбекистон ампутант-футболчилари жаҳон чемпионатининг 1/8 финалида Францияга қарши ўйнайдилар, деб хабар қилди UzDaily.uz.
Жаҳон чемпионатининг гуруҳ босқичида Ўзбекистон термаси Украина (7:0), Ирландия (6:1) ва Бразилия (3:0) термалари устидан ғалаба қозонган эди. Бу, амалдаги жаҳон чемпионларига 9 очко йиғиб, “А” гуруҳида биринчи ўринни олишларига имкон берди.
Қайд этиш керакки, Франция термаси 3 очко билан “D” шуруҳида 3 ўринни эгаллаган.
Эслатиб ўтамизки, Мексиканинг Кульякан шаҳридаги ЖЧ мусобақалари 30 ноябрда бошланган бўлиб, 8 декабрга қадар давом этади.
