Ўзбекистон Ангрен-Поп темир йўлини қуришда халқаро кредитлар жалб қилмоқчи эмас

Тошкент. 2 июнь. ЎзТАГ - Ўзбекистон Ангрен-Поп темир йўлини қуришда халқаро кредитлар жалб қилмоқчи эмас, деб хабар беради Podrobno.uz янгиликлар агентлиги “Ўзбекистон темир йўллари ” Давлат акционерлик компанияси бош менежер-бош инженери Хуснитдин Хосиловга асосланган ҳолда.
“Лойиҳани молиялаштириш манбалари аниқланиб бўлди. Хусусан, лойиҳа ўзбек темир йўл компаниясининг ўз маблағлари ва Ўзбекистон Тикланиш ва тараққиёт жамғармаси маблағлари ҳисобига реализация қилинади”, - деб қайд этди Хуснитдин Хосилов.
Эслатиб ўтамизки, лойиҳанинг умумий қиймати $1,7 млрддан ошиқ. Бундан $279 млнни Ўзбекистон Тикланиш ва тараққиёт жамғармаси ажратади. Қолган сумма “Ўзбекистон темир йўллари ” маблағларидир. Шунингдек, лойиҳа доирасида 19 кмлик темир йўл тоннели ҳам қурилади. У хитойнинг China Railway Tunnel Group Co. Ltd компанияси томонидан “ЎТЙ” билан тузилган шартномага асосан барпо этилади. Ҳитойнинг “Эксимбанк”и томонидан бунинг учун $350 млнлик кредит ажратилган.