Ўзбекистон архиви “вақф хужжатлари”ни рўйхатга олмоқда

Тошкент. 19 сентябр. ЎзТАГ – Ўзбекистон Марказий давлат архивида (МДА) бу ерда жамланган қадимий хужжатлар, шу жумладан, XVI-XIX асрларга мансуб “Вақф хужжатлари коллекцияси”ни рўйхатга олиш ишлари давом этмоқда, дея хабар беради Ўзбек телеграф агентлиги (ЎзТАГ).

Давлат архивидан хабар қилишларича, ёзув ўзбек тилида яратилаётган бўлиб, шарқий тиллар, шу жумладан, форс, араб ва эски ўзбек тилларидаги хужжатларни илмий амалиётга киритиш мақсадарида амалга оширилмоқда.

Жамғарманинг “Вақф хужжатлари коллекцияси”да (И-323) XVI-XIX асрлардаги Бухоро, Самарқанд ва Хива вақф мулкларига тааллуқли 2,5 мингдан зиёд хужжатлар сақланмоқда.

Бугунга келиб уларнинг 500 ошиғи ўрганиб чиқилди ва тегишли қайдлар қилинди.

Вақф деганда қадимда давлат ёки алоҳида шахслар томонидан диний ва хайрия мақсадларида умум фойдасига берилган мулк тушунилади. Вақфга ҳам кўчмас, ҳам бошқа шаклдаги фойда (даромад) келтирувчи мулклар кириши мумкин бўлган (сарфланиб юбориш мумкин бўлган пуллар вақфга берилмайди).