Ўзбекистон Ашхободдаги “ЕИ-МО” шаклидаги учрашувда иштирок этади

Тошкент. 9 июл. ЎзТАГ – Ўзбекистон делегацияси Ашхобод шаҳрида “Европа Иттифоқи – Марказий Осиё” шаклидаги сиёсат ва хавфсизлик бўйича юқори даражали Мулоқотнинг навбатдаги учрашувида иштирок этади, деб хабар беради Ўзбек телеграф агентлиги (ЎзТАГ).

Ўзбекистон делегациясига Ташқи ишлар вазири ўринбосари Дилшод Ахатов бошчилик қилади. Бу ҳақида ТИВ хабар қилмоқда.

ОАВ маълумотларига кўра, бу бешинчи мулоқот. Европа ва Марказий Осиё мамлакатлари орасидаги ушбу минтақалараро мулоқот шакли Туркманистон, Тожикистон, Ўзбекистон, Қозоғистон ва Қирғизистон ташқи сиёсий муассасалари раҳбарлари иштирокида 2013 йилдан бери мунтазам ўтказилиб келинади.

Шаклланган анъанага мувофиқ, мулоқотга Афғонистон вакиллари ҳам таклиф этилади.

Мулоқот Европа Иттифоқининг тилган олинган мамлакатлар билан барқарорликни мустаҳкамлаш ва халқаро ва минтақавий сиёсий кун тартибидаги масалаларга қарашларини мувофиқлаштиришга бўлган ўзаро қизиқишини акс эттиради. Шунингдек, мулоқот ЕИнинг Стратегиясини амалга ошириш ва Марказий Осиёда ривожланиш дастурлари бўйича ишларнинг ўзига хос сарҳисоби ҳам ҳисобланади.

Сурат манбаи: https://yandex.com/collections/card/59dfae41be1d7700da766cdd/