Ўзбекистон банк тизимининг ялпи капитали деярли чоракка ўсди

Тошкент. 18 январ. ЎзТАГ – 2015 йилда Ўзбекистон банк тизимининг ялпи капитали деярли чоракка ўсди, деб хабар беради Ўзбек телеграф агентлиги (ЎзТАГ).

“Ўтган йили банк тизимини янада мустаҳкамлаш, банкларнинг капиталлашув даражасини ошириш ва инвестициявий фаоллигини кенгайтириш таъминланди. Банк тизимининг жами капитали 2014 йилга нисбатан 23,3 фоиз кўпайиб, 7 триллион 800 миллиард сўмга етди. Сўнгги 5 йилда мазкур кўрсаткич 2,4 баробар ўсди. Банк тизими капиталининг етарлилик даражаси қарийб 24 фоизни ташкил қилди. Бу умумий қабул қилинган халқаро стандартлардан 3 марта, банк ликвидлиги эса энг юқори кўрсаткичлардан 2 марта кўпдир”, - дейилади Ўзбекистон Президенти Ислом Каримовнинг Вазирлар Маҳкамаси мажлисидаги маърузасида.

$1 = 2821,43 сўм