Ўзбекистон банклари томонидан иқтисодиёт реал тармоғини кредитлаш ҳажмлари деярли уч бараварга ўсди

Тошкент. 30 июл. ЎзТАГ – 2014 йилнинг биринчи ярида Ўзбекистон банклари иқтисодиётнинг реал тармоғига 29,8 млрд сўм кредит маблағлари йўналтирдилар, бу 2013 йилнинг январ-июнидагига қараганда 30,7% кўп демакдир, дея хабар беради Ўзбек телеграф агентлиги (ЎзТАГ).

Марказий банкдан хабар қилишларича, инвестиция мақсадларида берилган кредитлар ҳажми ўтган йилнинг шу даврига солиштирганда деярли 1,3 бараварга ўсган ва 4,2 трлн сўмни ташкил қилган.

Кичик бизнеснинг ривожига 1,3 марта кўп маблағ сарфланган бўлиб, у 4,8 трлн сўмдан ошди. Бундан 1 трлн сўмдан кўпи – микрокредитлардир.

6 ой ичида касб-ҳунар коллежлари битирувчиларининг бизнес лойиҳаларини қўллаб-қувватлашга 76,8 млрд сўмлик кредитлар ажратилди.

Умуман, 1 июл ҳолатига келиб банкларнинг молия хизматлари ҳажмидаги улуши 88% ташкил қилди ва бу кўрсаткич 1,3 баравардан зиёд ўсди.

Бугунда Ўзбекистон банк тизими Марказий банк ва 27 тижорат банкидан иборат.