Ўзбекистон банклари томонидан жалб этилган депозитлар ҳажми 17,3%га ўсди
Тошкент. 10 апрель. ЎзТАГ – Ўзбекистон банклари томонидан жалб этилган депозитлар ҳажми 17,3%га ўсди, дея хабар беради Ўзбек телеграф агентлиги (ЎзТАГ).
“2019 йил 1 апрель ҳолатига кўра, банклар томонидан жалб қилинган жами депозитлар миқдори 71,9 трлн сўмни ташкил этди, бу 2018 йилнинг шу даврига нисбатан 17,3%га кўп демакдир. Уларнинг орасида депозитлар бўйича давлат жамғармалари 26,9%га ошди ва 15,9 трлн сўмни ташкил этди”, - дейилади Марказий банк матбуот-хизмати хабарида.
Таъкидланганидек, депозитлар таркибида миллий валютадаги маблағларнинг улуши 52%дан 63%гача ўсди ва бу банклар жалб этган активларни (ресурсларни) шакллантиришда валюта ролини камайтириш индикатори сифатида қаралиши мумкин.
Сурат манбаи: myfin.by