Ўзбекистон банкларининг ялпи активлари 29% ўсди

     Тошкент. 24 июл. ЎзТАГ – Марказий банкда республика банк тизимининг 2014 йил биринчи ярмидаги иш якунларига бағишланган кенгайтирилган йиғилиш бўлиб ўтди, дея хабар беради Ўзбек телеграф агентлиги (ЎзТАГ).
     “Йиғилишда маълум қилинган маълумотларга кўра, 2014 йилнинг 1 июли ҳолатига келиб, мамлакат банкларининг ялпи капитали 6,6 трлн сўмга ўсган. Банкларнинг ялпи активлари миқдори ўтган йилнинг муқобил даврига солиштирганда 29% ўсиб, 48 трлн сўмдан зиёдни ташкил қилган. Бугунда банк тизими капиталининг етаклилик даражаси 24,6% тенг бўлиб, бу Банк назорати бўйича Базель қўмитаси томонидан белгиланган талабдан (8%) 3 баравар юқори”, - деб таъкидлашди Марказий банк матбуот хизматида.