Ўзбекистон банкларининг ялпи капитали 7,2 трлн сўмдан ошди

Тошкент. 24 июл. ЎзТАГ – 2015 йилнинг 1 июл ҳолатига келиб Ўзбекистон банкларининг ялпи капитали 7,2 трлн сўмдан ошди, деб хабар беради Ўзбек телеграф агентлиги (ЎзТАГ).

Ушбу маълумотлар Тошкентда Марказий банк бошқарувининг кенгайтирилган йиғилишида очиқланди.

“Биринчи ярим йилликда банкларинг ялпи активлари 27,6% ўсиб, 59,5 трлн сўмдан ошиқни ташкил қилди. Қатор йиллардан бери жорий ликвидлик даражаси 64% бўлиб, жаҳон амалиятида қабул қилинганидан 2 бараварга юқори. Хусусан, йил бошидан бери иқтисодиётнинг реал секторига йўналтирилган кредитларнинг умумий ҳажми 2014 йилнинг шу даврига нисбатан 30,5% кўпайиб, 2015 йилнинг 1 июл ҳолатига кўра, 37,5 трлн сўмдан ортди”, – деб таъкидлашди Марказий банк матбуот хизматида.

Мамлакат банкларининг инвестиция мақсадларига ажратилган инвестицион кредитлари миқдори 2014 йилнинг шу даврига қараганда 1,2 баробарга кўпайиб, 5 трлн сўмни ташкил қилди. Депозитларнинг умумий миқдори 30,2% ошиб, 31,5 трлн сўмга етди.

Эслатиб ўтамизки, ҳозирда Ўзбекистонда 26 банк фаолият юритмоқда.

$1 = 2570,22 сўм