Ўзбекистон бешта йирик мамлакат учун визасиз режим жорий этмоқчи

Тошкент. 16 январ. ЎзТАГ –  Ўзбекистон бешта йирик мамлакат учун визасиз режим жорий этмоқчи, деб хабар беради Ўзбек телеграф агентлиги (ЎзТАГ) Туризмни ривожлантириш давлат қўмитаси раҳбари Азиз Абдухакимовга асосланган ҳолда.

Давлат муассасаси раҳбари бу ҳақида Ўзбекистон Республикаси Президенти матбуот хизмати пресс-холлида бўлиб ўтган тўғридан-тўғри эфир доирасида маълум қилди. Мамлакатда туризмни ривожлантиришга бағишланган кўрсатув “Ўзбекистон-24” каналида тўғридан-тўғри олиб берилди.

Аммо вазир бундай режим ўрнатилиши режалаштирилаётган мамлакатлар ва унинг жорий этиш муддатларини очиқламади.

“Мамлакатда виза режимини соддалаштириш бўйича қатор ишлар қилинмоқда. Бугун биз бешта йирик давлат билан визасиз режимни жорий этиш масаласини кўриб чиқмоқдамиз. Яна зиёрат туризми бўйича энг кўп сайёҳлар келиши кутилаётган мамлакатлар бўйича ҳам виза режими осонлаштирилади. Бундан ташқари, яна 40дан ортиқ давлат билан виза режимини соддалаштириш бўйича ишлар олиб борилмоқда”, - деб таъкидлади Абдуҳакимов.

Вазирнинг сўзларига кўра, тез орада юқоридагиларга доир махсус қарор чиқарилади. 

Сурат манбаи: http://vestnikkavkaza.net/news/EU-to-decide-on-visa-free-regime-today.html