Ўзбекистон биринчи марта замонавий бешкураш бўйича Олимпиада учун лицензия олди

Тошкент. 12 ноябрь. ЎзТАГ – Ўзбекистон биринчи марта замонавий бешкураш бўйича Олимпиада учун лицензия олди, деб хабар беради Ўзбек телеграф агентлиги (ЎзТАГ).

"Ухан (Хитой) шаҳрида Осиё-Океания лицензияси бўйича замонавий бешкураш бўйича чемпионат бўлиб ўтмоқда, унда Ўзбек спорти тарихида илк бор Алисэ Фахрутдинова ёзги Олимпия ўйинлари учун лицензияга муносиб топилди", - дейилади Миллий олимпия қўмитаси (МОҚ) матбуот хизмати хабарида.

Қайд этилганидек, биринчи ўринда – Жанубий Корея, иккинчи ўринда – Япония, учинчи ўринда – Ўзбекистон. Кейинги ўринда Хитой ва Қозоғистон жойлашган.

"Бу Токио Олимпия ўйинлари учун қўлга киритилган 12 лицензиясидир", – деб якунланади хабар.

Эслатиб ўтамиз, XXXII ёзги Олимпия ўйинлари 2020 йилнинг 24 июлидан 9 августигача Токио (Япония)да ўтказилади.

Сурат манбаи: olympic.uz