Ўзбекистон биткоинлар ишлаб чиқариш энг рентабелли бўлган учта мамлакатлар сирасига кирди
Тошкент. 30 январ. ЎзТАГ – Ўзбекистон Венесуэла ва Тринидад ва Тобаго бюилан бирга биткоинлар ишлаб чиқариш энг рентабелли бўлган учта мамлакатлар сирасига кирди, деб хабар беради Ўзбек телеграф агентлиги (ЎзТАГ).
International Business Times нашри маълумотларига кўра, ишлаб чиқариш энг серхаражат мамлакат Жанубий Корея бўлиб чиқди.
Рейтингдан 115 давлат ўрин олган. Ҳисоб-китоблар давомида экспертлар бир биткоинни ишлаб чиқариш учун зарур электр энергиясига ўртача сарф инобатга олдилар. Электр қийматига доир маълумотлар Халқаро энергетика агентлиги ва маҳаллий ташкилотлардан олинди. Ҳисоб китоблар асосига энг оммавий майнинг қурилмалари бўлган AntMiner S7 ва S9, Avalon 6лар олинди.
Маълумотларга кўра, рейтинг етакчиси Венесуэлада 1 BTCни майнинг қилиш қиймати атига $530ни ташкил этади. Иккинчи ўриндаги Тринидад ва Тобагода бу кўрсаткич $1190га тенг. Учликни якунлаб берган Ўзбекистонда бир биткоин ҳосил қилиш $1790га тушади.
Умуман олганда, криптовалюта ишлаб чиқариш Шарқий Европа ва Осиё давлатларида бошқа минтақаларга қараганда даромадлироқ эканлиги маълум бўлди. Харажатлар Украинада $1852, Қувайтда – $1983, Беларусда – $2177, Хитойда – $3172, Россияда $4675ни ташкил қилади.
Жанубий Корея биткоинлар чиқариш энг қимматга тушади. Бу ерда 1 BTC нархи $2617ни ташкил қилади.
Сурат манбаи: http://www.atheer.om/en/41030/bitcoin-loses-close-twenty-percent-value-last-week/
