Ўзбекистон Бош прокуратурасида тергов қилинган ишлар сонининг деярли чоракка камайлгани қайд этилди
Тошкент. 24 май. ЎзТАГ – Ўтган 4 ой давомида Ўзбекистон прокуратура органлари томонидан тергов қилинган ишлар сони 2017 йилнинг муқобил давридагига нисбатан 23,7% камайди, деб хабар беради Ўзбек телеграф агентлиги (ЎзТАГ).
Бош прокуратурадан маълум қилишларича, жами 1867 та жиноят иши бўйича тергов ҳаракатлари ўтказилган бўлиб, шундан 2337 нафар шахсга нисбатан 1518 та жиноят иши судга юборилиб, бу кўрсаткич ўтган йилга қараганда 679 тага (31%) камайган.
Таҳлил қилинган даврда 315 (249) та жиноят ишининг тергови, шу жумладан 222 (152) таси ЖПКнинг 364-моддаси 1-қисми 1-банди (иш бўйича айбланувчи тариқасида иштирок этишга жалб қилиниши лозим бўлган шахс аниқланмаган), 86 (90) таси шу модданинг 1-қисми 2-бандига (айбланувчининг қаерда эканлиги номаълум бўлган) асосан тўхтатилган бўлиб, бу кўрсаткич тергов қилинган жами жиноят ишларининг 16,7%ни (11,3) ташкил этади.
Бундан ташқари, ҳисобот даврида 349 та жиноят ишининг тергови, шу жумладан 163 таси ЖПКнинг 83-моддаси (реабилитация учун асослар), 186 (103) таси 84-моддасига (айблилик тўғрисидаги масалани ҳал қилмай туриб жиноят ишини тугатиш учун асослар) асосан тугатилган бўлиб, бу кўрсаткич тергов қилинган жами жиноят ишларининг 18,6%ини ташкил этади.
Сурат манбаи: https://123ru.net/smi/ozodlik-org/135358953/
