Ўзбекистон божхоначилари 991 млн сўмдан кўп ноқонуний қишлоқ хўжалик маҳсулотларин олиб қўйишди

Тошкент. 5 июн. ЎзТАГ – 2014 йил бошидан бери Ўзбекистон божхоначилари томонидан қиймати 991,1 млн сўмлик 944,6 тонна қишлоқ хўжалик маҳсулотларини ноқонуний тарзда олиб чиқиб кетиш билан боғлиқ 180 уринишнинг олди олинди, дея хабар беради Ўзбек телеграф агентлиги (ЎзТАГ).
Давлат божхона қўмитасидан хабар беришларича, хусусан, Фарғона вилоятида умумий қиймати 2 млн сўмлик 2,5 тонна пиёзни яширинча олиб кетишга уринишга чек қўйилди. Хужжатларсиз ноқонуний юк қўшни республикага қараб йўл олган “Исузу” автомашинасини божхона назорати пайтида аниқланди.
Шунингдек, “Фарғона” чегара божхона пости ходимлари томонидан республикадан қўшни давлатга чиқиб кетаётган “Мерседес-Бенц” русумли юк автоулови божхона назоратидан ўтказиш натижасида 500 кг атрофида хар хил турдаги қишлоқ хўжалиги маҳсулотларини тегишли ҳужжатларсиз олиб ўтишга уриниш аниқланди.
Барча аниқланган қонунбузарликлар бўйича тергов олиб борилмоқда.