Ўзбекистон божхонаси томонидан 1,122 млрд сўмлик тилла буюмлар олиб қўйилди

Тошкент. 8 май. ЎзТАГ – 2014 йил бошидан бери Ўзбекистон Давлат божхона қўмитаси ходимлари томонидан тилла буюмларни ноқонуний олиб ўтиш билан боғлиқ 78 факт аниқланди. Натижада қиймати 1,122 млрд сўмлик 24,4 кг. олтин олиб қўйилди, дея хабар беради Ўзбек телеграф агентлиги (ЎзТАГ).
Давлат божхона қўмитасидан хабар қилишларича, ушбу хилдаги буюмлар асосан Ўзбекистонга учиб келган йўловчиларни божхона текширувидан ўтказилаётган пайтда содир бўлади. Масалан, “Истамбул-Тошкент” рейси йўловчиларидан бирининг ёнидан қиймати 2, 5 млн. сўмлик 159 гр рўйхатдан ўтказилмаган тилла буюмлар топилди. Қонунга биноан акциз солиғи тўламасдан қимматбаҳо металлардан ясалган 5 ортиқ бўлмаган ва оғирлиги 30 гр. ошмаган заргарлик буюмларини олиб ўтиш мумкин.
Эслатиб ўтамизки, мамлакатда қимматбаҳо металлар, улардан ясалган буюмларни экспорт-импорт қилиш ТИАИСВ томонидан бериладиган лицензия асосида амалга оширилади.