Ўзбекистон чегара қўшинлари чегарада 161 қоидабузарни қўлга олдилар
Тошкент. 10 август. ЎзТАГ – Июлда Ўзбекистон чегара қўшинлари томонидан 161 чегарабузар қўлга олинди, деб хабар беради Ўзбек телеграф агентлиги (ЎзТАГ) Миллий хавфсизлик хизмати хабарига асосланган ҳолда.
“Хусусан, Қирғизистон билан чегарада 91 киши, Қозоғистон билан чегарада 45 киши, Тожикистон билан чегарада 16 киши ва Туркманистон билан чегарада 9 киши ушланди. Бундан ташқари, чегара орқали қиймати 1,3 млрд сўмлик товар-моддиий бойликлар, асосан, кийим кечак, маиший техника, парфюмерия ва мобиль телефонлар ноқонуний олиб ўтилишига чек қўйилди. Қўлга олинган моддий бойликларнинг катта қисми Қирғизистон билан чегарада ушланди”, – дея таъкидланади хабарда.
Жумладан, маиший техника контрабандаси билан шуғулланувчи уюшган жиноий гуруҳ фаолиятига чек қўйилди. Гуруҳдан 88 млн сўмлик техника партияси олиб қўйилди. Яна Қирғизистон билан чегарада қиймати 209 млн сўмдан зиёдлик йирик миқдордаги маиший техникани ноқонуний олиб ўтишнинг олди олинди.
Олиб қўйилган барча сўмлик товар-моддиий бойликлар давлат даромади ҳисобига ўтказилди, қўлга олинган шахсларга нисбатан эса Ўзбекистон қонунчилигига мувофиқ чоралар кўрилди.
