Ўзбекистон чегарачилари 148 чегарабузар ва 1,6 млрд сўмлик контрабандани тўхтатиб қолдилар
Тошкент. 15 сентябр. ЎзТАГ – Августда Ўзбекистон чегарачилари 148 давлат чегарасини бузувчилар, шунингдек, 1,6 млрд сўмликдан ортиқ йирик миқдордаги хорижий валюта ва турли товарлар контрабандасининг олдини олдилар, деб хабар беради Ўзбек телеграф агентлиги (ЎзТАГ).
“Чегара бузилишларининг асосий қисми Қозоғистон (67) ва Қирғизистон (60) чегарасига тўғри келди. Қолган қонунбузилишлар Тожикистон (18) ва Туркманистон (3) билан чегарада рўйхатга олинди”, - деб таъкидлади ўз баёнотида Давлат чегарасини қўриқлаш бўйича қўмита вакили.
Бундан ташқари, 1,6 млрд сўмликдан ортиқ товар-моддий бойликлар контрабандасига уринишнинг олди олинди. Булар асосан маиший техника ва мобиль телефонлардан иборат. Ушланган шахслар ва товарларнинг катта қисми Қирғизистон ва Қозоғистон чегарасига тўғри келади.
Масалан, 11 август куни Қирғизистон билан чегарада Наманган вилояти Учқўрғон тумани Янгиобод аҳоли пункти яқинида 524 млн сўмлик мобил телефонлар ва уларга эҳтиёт қисмларнинг катта партиясини ноқонуний олиб киришга уринишга чек қўйилди.
29 августда Қирғизистон чегарасида ушбу республикага $810 мингдан зиёд пулни олиб ўтишга уринган шахс қўлга олинди.
Барча олиб қўйилган бойликлар давлат фойдасига мусодара қилинган, қўлга олинганларга нисбатан Ўзбекистон қонунчилигига мувофиқ чора кўрилган.
