Ўзбекистон Consumers International ташкилотига қўшилишни режалаштирмоқда
Тошкент. 17 октябр. ЎзТАГ – Ўзбекистон Халқаро истеъмолчилар уюшмасига (Consumers International) аъзо бўлиш учун ариза берди, деб хабар беради Ўзбек телеграф агентлиги (ЎзТАГ).
Ҳозирги кунда республика бир қатор хорижий шериклар билан ташкилот аъзолигига аризасини қўллаб-қувватлаш бўйича фаол музокаралар олиб бормоқда.
Ўзбекистон ўз мавқеинини мустаҳкамлаш учун Озарбайжон ва Ҳиндистон каби хорижий ҳамкорлари, шунингдек, Туркия билан фаол маслаҳатлашувлар ўтказмоқда. Ушбу ҳафта Федерация делегацияси Туркияга жўнаб кетади.
“Бундан ташқари, Бирлашган Миллатлар Ташкилотининг Савдо ва Тараққиёт Конференцияси (ЮНКТАД) билан ҳамкорликни муҳокама қилиш жараёни бошланди. Рақобат соҳасида алоқалар ўрнатиш, миллий қонунчиликни такомиллаштириш, шунингдек, ишлаб чиқарувчилар томонидан зарар кўрган истеъмолчиларга етказилган зарарнинг ўрнини қоплаш бўйича жаҳон тажрибасини ўрганиш кўзда тутилмоқда”, - дейилади Истеъмолчилар ҳуқуқларини ҳимоя қилиш федерацияси хабарида.
