Ўзбекистон Давлат Алоқа қўмитасида “TeliaSonera” делегацияси қабул қилинди
Тошкент. 8 сентябр. ЎзТАГ – Куни кеча Ўзбекистон Республикаси Алоқа, ахборотлаштириш ва телекоммуникацион технологиялар давлат қўмитасида “TeliaSonera” компаниясининг Евроосиё бўйича вице-президенти Эрик Халберг бошчилигидаги делегация қабул қилинди, дея хабар қилади Ўзбек телеграф агентлиги (ЎзТАГ).
Қўмита матбуот хизмати маълумотларига кўра, “TeliaSonera” раҳбарияти билан бўлган учрашувда “Coscom” МЧЖ ХК янги бош директори Тону Грюнберг қўмита раҳбариятига таништирилди. У жорий йилнинг 15 сентябридан бошлаб ишга тушади.
Эслатиб ўтамизки, бундан илгари биз Тону Грюнбергнинг мамлакатдаги иккинчи энг йирик мобил оператор – Ucellнинг бош диретори вазифасига ушбу ламозимда бир йилдан ортиқ ишлаган Осман Турон ўрнига тайинланганлиги ҳақида хабар қилган эдик. 2014 йилнинг 2 чораги якунлари бўйича Ucell 8,5 млн абонента хизмат кўрсатмоқда.
