Ўзбекистон Давлат дастури муҳокама қилинмоқда

Тошкент. 11 январ. ЎзТАГ – “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури лойиҳаси кенг жамоатчилик муҳокамасига чиқарилди, деб хабар беради Ўзбек телеграф агентлиги (ЎзТАГ).

2018.strategy.uz электрон адресида жойлаштирилган ҳужжат фақат ўзбек тилида бўлиб, 2018 йилнинг 15 январигача муҳокама қилинади.

Ҳужжатга мувофиқ, Ўзбекистон Президентининг 2017 йил 22 декабрдаги парламентга мурожаатномаси, шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида ўртага ташланган мақсад ва вазифаларни амалга ошириш кўзда тутилган.

Лойиҳа жами 237 та бандни ўз ичига олган.

Ҳужжат муҳокамаси учун миллий ва халқаро экспертлар иштирокида “давра суҳбатлари” ўтказиш режалаштирилмоқда.

Такомиллаштирилган ҳужжатни 2018 йил 20 январга тайёрлаш белгиланган.

Сурат манбаи: http://www.namangan.uz/ru/2-uncategorised/418-tashqi-iqtisodiy-faoliyatning-rivojlanishi-2016-yil-yakuni