Ўзбекистон Давлат санъат музейи 2015 йилда реконструкция қилинади
Дата: 13:22, 08-01-2015.
Тошкент. 8 январ. ЎзТАГ – Вазирлар Маҳкамасининг қарорига мувофиқ Ўзбекистон Давлат санъат музейи 2015 йилда реконструкция қилинади, дея хабар беради Ўзбек телеграф агентлиги (ЎзТАГ).
Реконструкция жараёнида ташқи томондан музейнинг миллий услуби ва замонавий меъморчиликнинг амалий элементлари сақланиб қолади. Шунингдек, музей атрофидаги ҳудуд ҳам янгиланиб, ҳунармандлар шаҳарчаси, арт-кафе ва совғалар дўконлари қурилади.
Бинони ичи ҳам капитал таъмир қилинади, зарур ҳароратни сақлаш учун ускуналар янгиланади.
Эслатиб ўтамизки, Ўзбекистон Давлат санъат музейи 1918 йилда қурилган. 1974 йилда эса унинг ўрнида янги музей биноси барпо этилган.
