Ўзбекистон делегациясининг биринчи гуруҳи универсиадага жўнаб кетди

Тошкент. 1 июл. ЎзТАГ – Куни-кеча Ўзбекистон делегациясининг биринчи гуруҳи Жанубий Кореянинг Кванжу шаҳрида бўлиб ўтадиган XXVIII Бутунжаҳон ёзги универсиадасига жўнаб кетди, деб хабар беради Ўзбек телеграф агентлиги (ЎзТАГ).

Республика Миллий олимпиа қўмитаси маълумотларигат кўра, ўйинларда жаҳоннинг 120 мамлакатига мансуб 12 минг талаба қатнашади. Бу ерда спортнинг 21 тури бўйича 272 медаллар комплекти ўйналади.

Ўзбекистон шарафини 31 спортчи ҳимоя қилади. Улар спортнинг академик эшкак эшиш, енгил атлетика, таэквондо (WTF), теннис, спорт гимнастикаси, бадиий гимнастика, дзюдо ва қиличбозлик каби турларида қатнашадилар.

Бундан ташқари, 2, 5, 6 ва 9 июлда Кванжу шаҳрига ўзбек делегациясининг қолган гуруҳлари ҳам учиб кетади.

Эслатиб ўтамизки, Бутунжаҳон ёзги универсиадаси 1959 йилдан бери ўтказилиб келади. Ўзбекистон унда 1999 йилдан бери қатнашади.