Ўзбекистон Душанбеда ўз автомобилларини сотиш бўйича марказ қуради

Тошкент. 20 июн. ЎзТАГ – Душанбеда “Равон” енгил автомобилларини сотиш бўйича марказ қурилади, деб хабар беради сешанба куни Тожик телеграф агентлиги (ТожикТА).

“Душанбега икки кунлик ташриф билан келган Ўзбекистон Республикаси Бош вазирининг ўринбосари Улуғбек Рўзиқулов бошчилигидаги делегация тожик ҳукуматининг юқори даражадаги амалдорлари ҳамроҳлигида бўлажак объект (Душанбеда “Равон” енгил автомобилларини сотиш бўйича марказ – ЎзТАГ) қурилиши жойига ташриф буюради”, - деб тасдиқлади маълумотни Тожикистон ҳукуматидаги манба.

Ўзбекистон ҳукуматининг вазирлик ва идораларга мансуб 17 вакилларидан, 40 бизнесменлардан иборат делегация Душанбеда савдо иқтисодий ва инвестицион ва бошқа соҳалардаги ҳамкорликни кенгаштиришни муҳокама қилиш учун ташриф буюради.

“Бугун қатор масалалар муҳокама қилиниши ва Ўзбекистон ва Тожикистон ишбилармон вакиллари иштирокидаги бизнес-форум якунлари бўйича қатор келишувлар имзоланиши кутилмоқда. Форум Душанбеда 21 июнда бўлиб ўтади”, - деб хабар қилди ҳукумат вакили.

Ўзбекистон Бош вазирининг ўринбосари Тожикистон Бош вазирининг биринчи ўринбосари Давлатали Саид ва Душанбе мэри Рустам Эмомали томонидан қабул қилиниши кутилмоқда.

Шунингдек, ўзбек делегацияси Тожикистон миллий музейи ва пойтахтдаги “Кохи Навруз”га ҳам ташриф буюради.