Ўзбекистон ЕИдан ЖСТга киришга 5 млн евро олди

Тошкент. 28 январ. ЎзТАГ – Ўзбекистон Европа Иттифоқидан (ЕИ) Жаҳон савдо ташкилотига (ЖСТ) кириш лойиҳасини қўллаб-қувватлашга 5 млн евро олди, деб хабар беради Ўзбек телеграф агентлиги (ЎзТАГ).

Ўзбекистон ташқи савдо вазирлиги маълумотларига кўра, ЕИнинг қарори 21 январда ЕИ делегациясининг раҳбари Эдуардс Стипрайс ва делегациянинг техник ҳамкорлик бўлими бошлиғи Франсуа Бежо билан учрашув чоғида маълум қилинди.

Томонлар Ўзбекистоннинг ЕИга киришида ЕИ кўмаги масаласини муҳокама қилишган.

“Европа Иттифоқи Ўзбекистонга ЖСТга аъзо бўлишини қўллаб-қувватлаш бўйича лойиҳани амалга ошириш учун 5 млн евро ажратди. Лойиҳа Бирлашган Миллатлар Ташкилотининг Савдо ва тараққиёт бўйича Халқаро савдо маркази ва Жаҳон савдо ташкилоти конференцияси томонидан амалга оширилади”, - деб тасдиқлади Бежо.

Шунингдек, ЕИнинг лойиҳаларни тасдиқлаш жараёни маълум вақт талаб қилишини инобатга олиб, ХСМ бу жараёнлар якунланишини кутиб ўтирмай тез орада лойиҳани амалга оширишга киришади.

Эслатиб ўтамиз, 2019 йилнинг I   ярми якунига қадар ЕИ Марказий Осиё билан ҳамкорлик қилишнинг янги стратегиясини қабул қилишни режалаштирмоқда, унда Ўзбекистондаги ислоҳотларни қўллаб-қувватлашнинг кучайиши акс этади.

 

Сурат манбаи: https://mft.uz