Ўзбекистон элчиси Украинага 4 мингдан зиёд авто етказилиб берилишини кутмоқда
Дата: 18:10, 29-08-2017.
Тошкент. 29 август. ЎзТАГ – Ўзбекистоннинг Украинадаги элчиси Алишер Абдуалиев 2017 йилда Украинага 4 мингдан зиёд авто етказилиб берилишини кутмоқда, деб хабар беради Ўзбек телеграф агентлиги (ЎзТАГ).
“Украин автоҳаваскорлари “Ўзавтосаноат” томонидан ишлаб чиқарилган автомобилларни яхши билишади. 2016 йил августда “Укр-УзАвто” компанияси элчихона билан биргаликда Киевда эконом-классдаги янги автомобиль бренди Ravon-R2ни тақдим этган эди. 2017 йилда биз украин бозорига Ravon-R4 бюджет седанини етказиб беришни бошладик. 2017 йилда “Ўзавтосаноат” томонидан Украинага 4 мингдан зиёд авто етказиб берилиши кутилмоқда”, - деди дипвакиллик раҳбари “Деловые новости” украин порталига интервьюда.
