Ўзбекистон электроэнергетикасида 28 йирик инвестиция лойиҳаси амалга оширилмоқда

Тошкент. 5 август. ЎзТАГ – 2014 йилги Инвестиция дастури доирасида Ўзбекистон электроэнергетика саноатида янги илаб чиқаришларни йўлга қўйиш, ишлаётганларини модернизация ва реконструкция қилиш бўйича 28 йирик инвестиция лойиҳалари амалга оширилмоқда, дея хабар беради Ўзбек телеграф агентлиги (ЎзТАГ).

“2014 йилнинг биринчи ярмида барча лойиҳалар бўйича $247,8 млн маблағ ўзлаштирилиб, ўсиш суръатлари ўтган йилнинг муқобил даврига солиштирганда 48,5% ташкил қилди. Ушбу йўналишдаги энг йирик лойиҳалардан бири Ангрен ИЭСнинг юқори сифатли кўмирни ёқишнинг янги тизимига эга бўлган қуввати 130-150 МВтлик янги энергоболокини қуриш лойиҳасидир. Лойиҳани амалга ошириш учун ХХР Экспорт-импорт банкининг кредит маблағлари жалб этилди. Қурилишнинг бош пудратчиси бўлган “Harbin Electric International Company Limited” (ХХР) компанияси томонидан асосий ускунани қуриш ва етказиб беришга доир шартномалар имзоланди, ҳозирда майдончада қурилиш-монтаж ва ерларни созлаш ишлари кетмоқда”, – деб таъкидлашди “Ўзбекэнерго” ДАК матбуот хизматида.