Ўзбекистон энг қизиқарли сайёҳлик йўналишлари рейтингида иккинчи ўринни олди

Тошкент. 29 декабр. ЎзТАГ – Ўзбекистон нуфузли Financial Times британ газетасининг 2017 йилги энг қизиқарли сайёҳлик йўналишлари рейтингида иккинчи ўринни олди, деб хабар беради Ўзбек телеграф агентлиги (ЎзТАГ).

Нашр маълумотига кўра, рейтинг сайёҳлик саноатининг “Wild Frontiers”, “KE Аdventure Travel”, “Discover the World”, “Ampersand Travel”, “Oetker Collection”, “Red Savannah” ва “Cazenove and Loyd” каби таниқли ширкатлари орасида ўтказилган сўров натижаларига мувофиқ тузилган.

“Wild Frontiers” туристик фирмаси асосчиси Жонни Билбининг сўзларига кўра, туристлар сайёҳлар ноёб жойларга бўлган узоқ сафарларга кўпроқ боришмоқда ва Ипак йўли мамлакатлари ҳозирги кунда энг қизиқ йўналиш сифатида тан олинган.

Эслатиб ўтамизки, “Financial Times” бизнес соҳасидаги энг обрўли нашрлардан биридир. Ҳар куни уни деярли 2,3 млн киши ўқийди.