Ўзбекистон ЕОИИ билан 2021 йил охиригача эркин савдо битимларини имзолашни режалаштирмоқда
Тошкент. 10 октябрь. ЎзТАГ – Ўзбекистон Евроосиё иқтисодий иттифоқи (ЕОИИ) билан 2021 йил охирига қадар эркин савдо битимларини имзолашни режалаштирмоқда, дея хабар беради Ўзбек телеграф агентлиги (ЎзТАГ).
Бу президентимизнинг "Ўзбекистон Республикасини 2030 йилгача комплекс ижтимоий-иқтисодий ривожлантириш концепцияси" қарори лойиҳасида кўзда тутилган.
"Биринчи босқичда (2019-2021йй) қабул қилинган ҳужжатларни амалга ошириш орқали иқтисодиётни янги шартлар ва бозор механизмларига мослаштириш амалга оширилади, бу эса ЕОИИ ва бошқа қатор мамлакатлар билан эркин савдо битимларини имзолаш орқали ташқи савдони кенгайтириш каби вазифаларни ҳал қилишда акс этади", – дейилади хабарда.
Қайд этилганидек, иккинчи босқичда (2022-2025 йй.) мамлакатнинг ЕОИИ ва БСТга кириши, савдо сиёсати ва экспортини либераллаштириш, тарифсиз савдо тўсиқларини қайта кўриб чиқиш ва уларни БСТ битимлари ва меъёрларига мувофиқлаштиришни изчил ўрганиш кутилмоқда.
Эслатиб ўтамиз, илгари Россия Федерацияси кенгаши раиси Валентина Матвиенко Ўзбекистонга ташриф буюрган. Ташриф чоғида у Ўзбекистон ва Россия президентлари Ўзбекистоннинг ЕОИИга кириши учун юзага келиши мумкин бўлган шароит ва хатарларни таҳлил қилиш учун ишчи гуруҳ тузишга келишиб олганини маълум қилди.
Сурат манбаи: novostipmr.com
