Ўзбекистон ФИФА рейтингида 7 ўринга кўтарилди
Дата: 18:27, 17-07-2014.
Тошкент. 17 июл. ЎзТАГ – 17 июл, чоршанба куни Бутунжаҳон Футбол Федерациялари Ассоциацияси (ФИФА) дунё мамлакатлари терма жамоаларининг навбатдаги рейтингини эълон қилди. Унда Ўзбекистон терма жамоаси 7 ўринга юқорилаган ҳолда 59-ўриндан 52-ўринга кўтарилди, дея хабар беради Ўзбек телеграф агентлиги (ЎзТАГ).
Ўзбекистон терма жамоаси Осиё қитъасида Япония (45) ва Эрондан (49) кейин 3 ўринни эгаллаб турибди.
Бундан ташқари, Ўзбекистон термаси МДҲ мамлакатлари орасида 4-ўринда бўлиб, фақат Украина (22), Россия (23) ва Арманистондан (41) кейинда бормоқда.
Дунё футбол рейтингини ҳамон Германия бошқариб турибди. Биринчи учликка немислардан ташқари яна Аргентина ва Голландия ҳам кирган.
