Ўзбекистон фуқароси Россияда одам савдоси учун қўлга олинди
Тошкент. 26 июл. ЎзТАГ – Россия Тергов қўмитасининг Бошқирдистон Республикаси бўйича бўлими Ўзбекистон фуқароларига нисбатан кишиларни Россияга ноқонуний олиб келиш ва кейинчалик улардан қул сифатида фойдаланиш факти бўйича жиноят иши очди, деб хабар беради Ўзбек телеграф агентлиги (ЎзТАГ).
“Ўзбекистон фуқароси ва унинг икки шериги Ўзбекистонлик 10 ортиқ аёлларни қул сифатида ишлаш мақсадларида олиб келишган. Аёлларни республиканинг Прибайкальск туманидаги фабрика ҳудудига жойлаштиришган. Фабрика “Гранд Текс” компаниясига тегишли бўлиб, хўжалик қўлқоплари ишлаб чиқариш билан шуғулланган”, – деб таъкидлашди Россия Тергов қўмитаси матбуот хизматида.
Аёллар фабрика ҳудудида эркин ҳаракатланиш ҳуқуқидан маҳрум бўганлар, уларнинг шахсий хужжатлари олиб қўйилган. Улар қўлқоп тикишга мажбур қилинган, ишдан бош тортилса жисмоний зиён етказиш билан таҳдид қилинган.
Ҳозирги пайтда Прибайкальск туман судида қўлга олинганларга нисбатан хибсда сақлаш шаклидаги чорани қўллаш масаласи кўриб чиқилмоқда. Тергов давом этмоқда.
