Ўзбекистон фуқароси “Ўш-Екатеринбург” авиарейсини расмийлаштиришда қалбаки хужжатлар билан қўлга олинди

Тошкент. 19 декабр. ЎзТАГ – Ўзбекистон фуқароси “Ўш-Екатеринбург” авиарейсини расмийлаштиришда қалбаки хужжатлар билан қўлга олинди, деб хабар беради Қирғиз телеграф агентлиги (КирТАГ).

“2016 йил 19 декабрда 2904 сонли “Ўш-аэропорт” ўтиш назорат пунктида “Ўш-Екатеринбург” авиарейсини расмийлаштиришда Ўзбекистон фуқароси давлат чегарасини бузишга уриниш учун қўлга олинди”, - дейилади ҚР давлат чегара хизматининг ОАВ ва жамоатчилик билан ишлаш бўлими хабарида.

Аниқлаштирилишича, паспорт назоратидан ўтишда Ўзбекистон фуқаросининг хорижий паспортидан давлат чегарасидан ўтганликка доир қалбаки белгилар топилган. Тақдим этилган хужжатда штамплар белгиланган намунага тўғри келмаган.

Воқеа тафсилотлари ўрганилганда қўлга олинган шахс хужжатлардаги штампларни қалбакилаштирганини тан олди.

Ўзбекистонлик Россияга ишлашга йўл олган бўлган.

Тегишли хужжатлар расмийлаштирилганидан сўнг қўлга олинган фуқаро ҚР ДМХХ ходимларига топширилди.