Ўзбекистон фуқароси сохта паспорт билан Қирғизистондан чиқиб кетишга уринди

Тошкент. 5 апрел. ЎзТАГ – Ўзбекистон фуқароси сохта паспорт билан Қирғизистондан чиқиб кетишга уринди. Бу ҳақида КирТАГ Қирғиз Республикаси давлат чегара ҳизматининг жамоатчилик ва ОАВ билан ишлаш бўлимига таянган ҳолда хабар қилмоқда.

4 апрелда “Акжол-автодорожный” назорат-ўтиш пунктида Қирғизистондан Қозоғистонга қалбаки паспорт билан чиқишга ҳаракат қилган Ўзбекистон фуқароси қўлга олинди.

Фуқаро паспорт назоратидан ўтаётган пайтда 1976 йилда туғилган С.О.уулу номига хорижий паспортни тақдим этди. Чегара наряди унинг ҳужжатида фотосуратнинг қисман сохта эканлигини аниқлади. Текшириш жараёнида қўлга олинган шахс ҳақиқатан ҳам Ўзбекистон фуқароси эканлигини тушунтирди. У Қирғизистон фуқаросининг паспортини Ўшда сотиб олган бўлиб чиқди.

Чет эллик сохта паспортдан Россияга кириши таъқиқлангани сабабли фойдаланишга қарор қилган.

Тегишли ҳужжатлар расмийлаштирилганидан кейин қўлга олинган шахс ҚР ДМХҚ ҳудудий бўлинмаси ҳодимларига топширилди.

Сурат манбаи: https://rus.ozodlik.mobi/a/27969304.html