Ўзбекистон Футбол федерацияси 2014 йилги лауреатлар номини эълон қилди

Тошкент. 6 март. ЎзТАГ – Бугун соат 10.00да Ўзбекистон Футбол федерацияси мажлислар залида 12 турли номинациялар бўйича 2014 йилги лауреатлар номлари эълон қилинди, дея хабар беради Ўзбек телеграф агентлиги (ЎзТАГ) ЎФФ асосланган ҳолда.

Унга кўра, йилнинг энг яхши болалар тренери деб Тимур Алимхўжаев (U-16 ўсмирлар термаси бош тренери), йилнинг энг яхши футболчиси деб Ислом Кенжабоев (“Насаф”), йилнинг энг яхши футзалчиси деб Артур Юнусов (“Локомотив”), йилнинг энг яхши ҳаками деб Равшан Эрматов, йилнинг энг яхши қанот ҳаками деб Абдуҳамидулло Расулов, Ўзбекистон чемпионатининг тўпурари деб Артур Геворкян (“Насаф”), Ўзбекистон чемпионатининг энг яхши футболчиси деб Жамшид Искандаров (“Пахтакор”), аёллар ўртасида йилнинг энг яхши ўйинчиси деб Зебо Жўраева (“Севинч”) ва йилнинг энг яхши футболчиси деб Одил Аҳмедов (“Краснодар”, Россия) топилди.

Қайд этиш зарурки, “Пахтакор” жамоасининг бош мураббийси Самвел Бабаян бирданига икки номинация – “Ўзбекистон чемпионатининг энг яхши тренери” ва “Йилнинг энг яхши тренери” йўналишларида ғолиб бўлди. Биринчи “Fair play” номинациясида эса “Олмалиқ” футбол клуби ғолиб чиқди.