Ўзбекистон Футбол федерацияси терма жамоа бош тренери лавозимига Милутиновичнинг таклиф этилгани ҳақидаги маълумотни радъ қилди
Дата: 11:30, 17-11-2014.
Тошкент. 17 ноябр. ЎзТАГ – Ўзбекистон Футбол федерацияси терма жамоа бош тренери лавозимига Милутиновичнинг таклиф этилгани ҳақидаги қатор ОАВдаги миш-мишларни радъ қилди, дея хабар беради Ўзбек телеграф агентлиги (ЎзТАГ).
“Бора Милутинович Тошкентга “Бунёдкор” ва “Локомотив” жамоалари ўртасидаги Ўзбекистон кубоги финалини кўришга келди. Милутинович билан шартнома имзолаш ниятимиз йўқ. Ҳозирда Ўзбекистон термасининг бош мураббийи Миржалол Қосимов терма жамоани 2015 йилги Осиё чемпионатига тайёрлашда давом этмоқда. Декабрда жамоа навбатдаги йиғинини ўтказади”, – деб таъкидлашди Футбол федерацияси матбуот хизматида.
