Ўзбекистон Футбол Федерацияси жамоатчиликка 2018-2022 йилларда футболни ривожланиш дастурини тақдим этади
Тошкент. 19 сентябр. ЎзТАГ – Ўзбекистон Футбол Федерацияси жамоатчиликка 2018-2022 йилларда Миллий футболни ривожлантириш дастурини тақдим этади, деб хабар беради Ўзбек телеграф агентлиги (ЎзТАГ).
ЎФФ сайтида маълум қилинишича, бу иш билан федерациянинг янги раҳбарияти шуғулланади.
“Ўзбекистон Футбол Федерациясининг янги раҳбарияти болалар-ўсмирлар ва оммавий футболни янада ривожлантириш, миллий терма жамоаларнинг фаолиятини тубдан ислоҳ қилиш, футбол бўйича Ўзбекистон чемпионати савиясини кўтариш, кадрлар тайёрлаш ва уларнинг малакасини ошириш, халқ ва ишқибозлар билан мулоқот кўприкларини янада кўпайтириш бўйича чора-тадбирлар режаси ишлаб чиқилаяпти”, - дейилади хабарда.
Хабарда таъкидланишича, ЎФФ янги дастурни ушбу хабар эълон қилинганидан (14 сентябр) 10 кун ўтиб тақдим этади.
