Ўзбекистон футзал бўйича Осиё чемпионатини ўтказишга даъвогарлик қилмоқда
Дата: 17:24, 09-10-2014.
Тошкент. 9 октябр. ЎзТАГ – Ўзбекистон Футзал ассоциацияси Тошкентда футзал бўйича 2016 йилги Осиё чемпионатини ўтказиш учун ариза берди, дея хабар беради Ўзбек телеграф агентлиги (ЎзТАГ).
“Ушбу қитъа мусобақаси XIV-чемпионат бўлади. Турнирнинг финалига ўта олган жамоалар Колумбияда бўлиб ўтадиган 2016 йилги Жаҳон чемпионатида қатнашишга йўлланма оладилар”, - деб таъкидлашди Футбол федерацияси матбуот хизматида.
Эслатиб ўтамизки, бундан олдин 2006 ва 2010 йилларда Тошкент футзал бўйича Осиё чемпионатига мезбонлик қилган эди. Ҳар икки сафар Ўзбекистон футзал термаси мусобақа финалига қадар борган эди. Вьетнамда бўлиб ўтган охирги Осиё чемпионатида жамоа учинчи ўриннни эгаллаган.
