Ўзбекистон Hyundai автомобил заводи қурилишини жадаллаштирди
Тошкент. 28 октябрь. ЎзТАГ – Ўзбекистон Hyundai автомобил заводи қурилишини жадаллаштирди, деб хабар беради Ўзбек телеграф агентлиги (ЎзТАГ).
"24 октябрь куни Тошкент шаҳрида Наманган вилояти ҳокимлиги вакилларининг Жанубий Корея компаниялари раҳбарлари билан бизнес учрашуви бўлиб ўтди, натижада Hyundai автомобил ишлаб чиқариш заводи қурилишини жадаллаштириш бўйича қўшимча инвестиция битими имзоланди", - дейилади Ташқи ишлар вазирлиги (ТИВ) матбуот хизмати хабарида.
Таъкидланганидек, томонлар корхонанинг биринчи тайёр маҳсулоти 2020 йилнинг биринчи ярмида ишлаб чиқарилишини келишиб олдилар.
Завод қурилиши ва ишга туширилгандан сўнг ҳар йили 2,5 мингта кичик юк машинаси, микроавтобус ва автобус ишлаб чиқариш режалаштирилган. Корхона тўла қувват билан ишга тушгач, мингдан зиёд янги иш ўрни яратилиши кутилмоқда.
Сурат манбаи: tedo.com.ua
