Ўзбекистон иқтисодиёти кўлами бўйича минтақада фақат Қозоғистондан ортда

Тошкент. 24 январ. ЎзТАГ – Ўзбекистон иқтисодиёти кўлами бўйича минтақада Афғонистон ва Мўғилистонни ҳам қўшган ҳолда фақат Қозоғистондан ортда, деб хабар беради Ўзбек телеграф агентлиги (ЎзТАГ) Жаҳон банки маълумотлирига асосланган ҳолда.

Қозоғистон иқтисодиёти $184,4 млрд, Ўзбекистон иқтисодиёти $66,7 млрд, Туркманистон иқтисодиёти $35,8 млрд, Афғонистон иқтисодиёти $19,3 млрд, Мўғилистон иқтисодиёти $11,7 млрд, Тожикистон иқтисодиёти $7,8 млрд ва Қирғизистон иқтисодиёти $6,5 млрдга баҳоланмоқда.

Айни пайтда Ўзбекистон аҳоли жой бошига ЯИМ миқдори бўйича ($2132,1) Қирғизистон ($1103,2), Тожикистон ($925,9) ва Афғонистондан ($594,3) юқорида. Ўзбекистондан олдинда эса Қозоғистон ($10510), Туркманистон ($6672,5) ва Мўғилистон ($3967,8) бормоқда.

Ўзбекистон аҳоли сони бўйича (32 млн) фақат Афғонистондан ортда (32,5 млн). Бу икки давлатдан кейин Қозоғистон (17,7 млн), Тожикистон (8,5 млн), Қирғизистон (6 млн), Туркманистон (5,4 млн) ва Мўғилистон (3 млн) турибди.