Ўзбекистон икки халқаро конвенцияга қўшилди
![](/upload/resize_cache/iblock/c9e/554_300_2/c9e7ba8d2cba0e074f1258cda2fac894.jpg)
Тошкент. 28 август. ЎзТАГ – Ўзбекистон икки халқаро конвенцияга қўшилди, дея хабар беради Ўзбек телеграф агентлиги (ЎзТАГ).
"Президент томонидан 2019 йил 27 августда имзоланган қонунларга мувофиқ халқаро меҳнат ташкилотининг (ХМТ) қуйидаги конвенциялари ратификация қилинди: қишлоқ хўжалигида меҳнат назорати тўғрисидаги 129-сонли конвенция (Женева, 1969 йил 25 июнь), 81-сонли саноат ва савдо назорати тўғрисидаги конвенция (Женева, 1947 йил 11 июль)", – дейилади Адлия вазирлиги матбуот хизмати хабарида.
Эслатиб ўтамиз, Халқаро меҳнат ташкилоти (ХМТ) – БМТнинг ихтисослаштирилган муассаси бўлиб, у меҳнат муносабатларини тартибга солиш масалалари билан шуғулланадиган халқаро ташкилотдир. Бугунги кунда ХМТ иштирокчилари 187 давлатдан иборат. 1920 йилдан буён ташкилотнинг штаб-квартираси – Халқаро меҳнат бюроси Женевада жойлашган.
Сурат манбаи: bravica.su