Ўзбекистон Қирғизистонга чегарада ушланган шахсни топширди
Тошкент. 13 май. ЎзТАГ – Ўзбекистон ва Қирғизистон чегара вакилларининг иккитомонлама учрашуви якунлари бўйича ўзбек томони чегарада ушланган қирғизистонлик, шунингдек, яқинда бу ерда отилган контрабандистнинг жасадини қайтарди, деб хабар беради Қирғиз телеграф агентлиги (КирТАГ) Давлат чегара хизматига (ДЧХ) асосланган ҳолда.
“Яқинда чегарада бўлиб ўтган отишмали можародан кейин ўзбек ва қирғиз чегара муассасалари вакилларининг учрашуви бўлиб ўтди. Учрашув якунларига кўра ўзбек томони қирғиз томонига отилган контрабандачининг жасади, шунингдек, қўлга олинган қирғизистонликни топширди”, - дейилди хабарда.
Икки мамлакатнинг чегара муассаслари ва ҳуқуқни муҳофаза қилиш органлари можарони текширишда давом этмоқдалар. Воқеа жойидаги вазият тинч, қирғиз чегарачилари аҳоли орасида тушунтириш ишлари олиб бормоқдалар.
Эслатиб ўтамизки, 12 май куни қирғиз-ўзбек чегарасининг Боткент тумани Согмент пункти атрофидаги келишилмаган қисмида ўзбек чегарачилари контрабанда ортилган уч машиналарига қарши ўт очганлар. Натижада бир қирғизистонлик воқеа жойида ҳатдан кўз юмган, иккинчи эса ўзбек чегарачилари томонидан ушланган.
